पोखरा महानगरपालिकाद्वारा कक्षा ११ का लागि छात्रवृत्ति आवेदन आह्वान (शैक्षिक सत्र २०८३)

पोखरा महानगरपालिकाले शैक्षिक सत्र २०८३ का लागि कक्षा ११ मा छात्रवृत्तिमा भर्ना हुन चाहने विद्यार्थीहरूका लागि आवेदन आह्वान गरेको छ। महानगरपालिकाको कार्यालयले एक सूचना जारी गर्दै पोखरा भित्रका संस्थागत विद्यालयहरूमा छात्रवृत्ति कोटामा अध्ययन गर्न इच्छुक र SEE उत्तीर्ण गरेका विद्यार्थीहरूलाई तोकिएको समयभित्र आवेदन दिन अनुरोध गरेको हो।

यस सम्बन्धी विस्तृत विवरण तल दिइएको छ:

• आवेदन सुरु हुने मिति: २०८३ वैशाख ३० गते।

• आवेदन दिने अन्तिम मिति: २०८३ जेठ ६ गते।

• आवेदन बुझाउने स्थान: शिक्षा प्रशासन महाशाखा, वडा नं. १७ (आवश्यक कागजातहरू सहित)।

•  

• ( कक्षा ११ छात्रवृत्ति आवेदन फारम (PDF) डाउनलोड गर्नुहोस् )

•  

पेश गर्नुपर्ने आवश्यक कागजातहरू:

१. SEE ग्रेड शीटको प्रतिलिपि: SEE उत्तीर्ण भएको प्रमाणपत्र। 

२. सहिद, जनआन्दोलन वा मधेश आन्दोलनका घाइते/पीडित परिवारका लागि: * सम्बन्धित जिल्ला प्रशासन कार्यालयको सिफारिस पत्र। * सम्बन्धित वडा कार्यालयबाट नाता प्रमाणित पत्र। 

३. दलित कोटाका लागि: * राष्ट्रिय दलित आयोगको सूचीमा सूचीकृत नभएको जात भएमा जिल्ला प्रशासन कार्यालयबाट दलित प्रमाणित पत्र। 

४. आदिवासी जनजातिका लागि: * आदिवासी जनजाति आयोगको सूचीमा नपरेको जात भएमा जिल्ला प्रशासन कार्यालयबाट सिफारिस पत्र। 

५. गरिब तथा विपन्न कोटाका लागि: * सहकारी तथा गरिबी निवारण मन्त्रालयबाट जारी गरिब परिचयपत्र, वा परिचयपत्र नभएमा सम्बन्धित वडा कार्यालयको सिफारिस पत्र। 

६. जेहेन्दार कोटाका लागि: * SEE को माथिल्लो ग्रेड (Higher Grade Sheet) को प्रतिलिपि। 

७. अपाङ्गता कोटाका लागि: * अपाङ्गता परिचयपत्रको प्रतिलिपि।

इच्छुक विद्यार्थीहरूले महानगरले तोकेको ढाँचामा आवेदन फारम भरी आवश्यक प्रमाणहरू सहित समयमै बुझाउनु पर्नेछ। छात्रवृत्ति सम्बन्धी थप जानकारीका लागि पोखरा महानगरपालिकाको शिक्षा महाशाखामा सम्पर्क गर्न सकिन्छ। ( https://pokharamun.gov.np/ ) ( +९७७ ६१ ५७११०४, ५७११०५ )

( कक्षा ११ छात्रवृत्ति आवेदन फारम (PDF) डाउनलोड गर्नुहोस् )